ԵՐԵՎԱՆ, 8 սեպտեմբերի — Sputnik. Սեպտեմբերի 7-ին, ժամը 23:52-ին «911» ծառայությունը տեղեկություն է ստացել, որ Տավուշի մարզի Պտղավան գյուղում ավտոբուս է այրվում: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Դեպքի վայր են մեկնել ՀՀ ԱԻՆ Փրկարար ծառայության հրշեջ-փրկարարական ջոկատից երկու մարտական հաշվարկ:
Պարզվել է, որ ավտոբուսն այրվում է Բերդավան գյուղի մոտակայքում:
Հրդեհը մեկուսացվել է ժամը 01:46-ին, մարվել՝ ժ.02:45-ին:
Ամբողջությամբ այրվել է «Mercedes» մակնիշի (վարորդը՝ Ի. Բաջոլիձե, Վրաստանի քաղաքացի) ավտոբուսը․ տուժածներ չկան։