ԵՐԵՎԱՆ, 6 սեպտեմբերի — Sputnik. «Նոր ալիք» երիտասարդ կատարողների մրցույթի հայ մասնակից Գևորգ Հարությունյանն առաջին օրը հիասքանչ ելույթ է ունեցել Սոչիում։
Նա երգել է Լորա Պերգոլիցայի (LP) «Lost on You» ստեղծագործությունը, և ժյուրիի բոլոր անդամները նրա ելույթը 10 միավոր են գնահատել (առավելագույնը 11-ն է)։ Մրցույթի արդյունքները կամփոփվեն սեպտեմբերի 9-ին։
Գևորգ Հարությունյանը ծնունդով Կապանից է։ Նա ավարտել է Երևանի թատրոնի և կինոյի պետական ինստիտուտը։ 2013թ-ին զբաղեցրել է հինգերորդ տեղը Հայաստանի «Х ֆակտոր» նախագծում։ 2014թ-ին պարուհի Շուշաննա Դաբաղյանի հետ հաղթել է «Պարեր աստղերի հետ» մրցույթում։ Վերջին շրջանում գլխավորել է Կապանի Մշակույթի կենտրոնը։