ԵՐԵՎԱՆ, 5 սեպտեմբերի — Sputnik. Երևանի ավագանու ընտրություններին ընդառաջ ընտրատեղամասերում սկսվել է հանձնաժողովի անդամների, նախագահների կազմակերպման գործընթացը:
«Ժողովուրդ» օրաթերթի տեղեկություններով, մի շարք դպրոցների, մանկապարտեզների ՀՀԿ-ական տնօրեններ, որոնք նախկինում եղել են հանձնաժողովի նախագահներ, այսօր հրաժարվում են ստանձնել այդ պաշտոնը:
«Գաղտնիք չէ, որ խորհրդարանական կամ ավագանու ընտրությունների ժամանակ տեղամասային ընտրական հանձնաժողովներում նախագահի պաշտոնը զբաղեցրել են դպրոցների, մանկապարտեզների տնօրենները, որոնք հիմնականում առաջադրվում էին ՀՀԿ-ի կողմից»,- գրում է թերթը` հավելելով, որ նախկինում նրանց առաջ ՀՀԿ-ի օգտին քվեներ ապահովելու, անձամբ ընտրակեղծիքներ անելու կամ դրանց վրա աչք փակելու խնդիր էր դրված:
Թերթը եզրափակում է` թավշյա հեղափոխությունից հետո իրավիճակ է փոխվել։