ԵՐԵՎԱՆ, 31 օգոստոսի — Sputnik. Հայաստանը չի մասնակցելու Վրաստանում տեղի ունենալիք ՆԱՏՕ-ի Agile Spirit-2018 զորավարժություններին: Sputnik Արմենիայի հետ զրույցում այս մասին ասաց պաշտպանության նախարարի խոսնակ Արծրուն Հովհաննիսյանը:
Նա միաժամանակ նշեց, որ առայժմ լրացուցիչ տեղեկություններ հայտնել չի կարող:
Արդեն հայտնի է, որ զորավարժություններին կմասնակցեն Վրաստանի, ԱՄՆ-ի, Ուկրաինայի, Բուլղարիայի, Ռումինիայի, Լատվիայի, Հունաստանի, Թուրքիայի, Չեխիայի և էստոնիայի զինվորականները։
Զորավարժությունները կանցկացվեն Սենակի քաղաքում սեպտեմբերի 1-11-ը։