ԵՐԵՎԱՆ, 29 օգոստոսի — Sputnik. Ամերիկահայ «պոկերի արքա» Դեն Բիլզերյանի ընկերունին` Սայլեն Մեդեյրոսը, չի կարողացել անտարբեր անցնել հայկական զինտեխնիկայի կողքով։ Գեղեցկուհին երեկ ֆոտոսեսիա է կազմակերպել Արցախում։
«Ճանաչիր հակառակորդիդ և ինքդ քեզ։ Հազարավոր մարտեր, հազարավոր հաղթանակներ»,- լուսանկարին կից գրել է Մեդեյրոսը։
Նա փոքր-ինչ ձևափոխել է չինացի ռազմական տեսաբան և մտածող Սուն Ցզիի (մ.թ.ա. 6-5-րդ դարեր), «Երկ ռազմարվեստի մասին» գրքի այս տողերը. «Ճանաչիր թշնամուդ և ինքդ քեզ, և դու անպարտելի կլինես», «Հարյուր անգամ մարտ մղելն ու հարյուր անգամ հաղթանակ տանելը դեռ չի նշանակում լավագույնից լավագույնը։ Լավագույնից լավագույնն այն է, երբ հակառակորդի բանակը հնազանդեցնում ես առանց մարտի»։
Նշենք, որ Բիլզերյանը երեկ` օգոստոսի 28-ին, Արցախ էր մեկնել և ցուցադրել կրակելու հմտությունները։
Բիլզերյանի հետ Արցախ էին մեկնել նաև նրա հայրը, եղբայրը, ընկերուհիները, ինչպես նաև Ռոբերտ Քոչարյանի որդին՝ Լևոն Քոչարյանը։
Բիլզերյանը Հայաստան էր ժամանել օգոստոսի 27-ի առավոտյան մասնավոր ինքնաթիռով։
«Զվարթնոց» օդանավակայանում նրան դիմավորել էին լրագրողներն ու երկրպագուները։ Նա հասցրել է հայկական անձնագիր ստանալ, զբոսնել Հայաստանի մայրաքաղաքում։
Զբոսանքի ժամանակ նրան ուղեկցել են երկու գեղեցկուհիներն ու ՀՀ երկրորդ նախագահ Ռոբերտ Քոչարյանի կրտսեր որդին` Լևոնը։
Օգոստոսի 27-ին նրանք մեկնել են Սևան, որտեղ Բիլզերյանի ընկերուհին լուսանկարվել է Սիրուշոյի հետ։