ԵՐԵՎԱՆ, 25 օգոստոսի — Sputnik. Ադրբեջանում սկանդալ է ծավալվել մոդել Մախբուբա Մամեձադեի շուրջ, որը վաճառքի է հանել իր կուսությունը։ Մոդելներից ոմանք դատապարտել են նրան, ոմանք` արդարացրել։ Այս մասին գրում է Sputnik Ադրբեջանը։
Պարբերականը գրում է` Մամեձադեն մեկ օրում հայտնի դարձավ ոչ միայն Ադրբեջանում, այլև ամբողջ աշխարհում, սակայն այդ ճանաչումը նրան ոչ թե համաշխարհային որևէ նախագծի մասնակցելու հնարավորություն ընձեռեց, այլ հանգեցրեց նրան, որ մարդիկ սկսեցին դատապարտել կուսությունը 100 հազար եվրոյով Cinderella Escorts կայքում վաճառքի հանելու համար։
Sputnik Ադրբեջանի հետ զրույցում մոդելն ասել է, որ չի զղջում իր արարքի համար, քանի որ հոգնել է դժվարություններից և երազում է ճոխ կյանքի մասին։ Նա նույնիսկ պատրաստ է ամուսնանալ այն մարդու հետ, որ կվճարի այդ գումարը։
Մոդելի հայտարարությունն իսկական փոթորիկ է բարձրացրել Ադրբեջանում, նրա արարքը սկսել են քննարկել բոլորը, այդ թվում` գործընկերները։
Մեկ այլ մոդել` Թեհրանա Բահրուզին, կայքին հայտնել է, որ ցնցվել է այդ նորությունից։ Նա համարում է, որ Մամեձադեն չպետք է այդ քայլին գնար, որովհետև գումար կարելի է վաստակել աշխատանքով` առանց սեփական պատիվը վաճառելու։
Miss Photo Model Azerbaijan 2014, Miss Sharm, Miss Best Faces Jewel of the Day տիտղոսների արժանացած Քրիստինա Զամիրն էլ ասել է. «Առաջին արձագանքս սա էր` ու՞ր է գլորվում աշխարհը։ Հետո հաճելիորեն զարմացա, որ նա կույս է։ Սկզբում մտածեցի` երևի ուզում է մարդկանց ցույց տալ, որ բոլոր մոդելները հասանելի են, բայց հետո հասկացա, որ այդտեղ հպարտանալու բան չկա»։
Մոդել Սամիրա Ալիևան պաշտպանել է Մախբուբային։ Նրա կարծիքով` մոդելներից շատերը բեմ են բարձրանում արտասահմանում, աշխատում են խոշոր գործակալությունների, մի խոսքով, կաշվից դուրս են գալիս հաջողության հասնելու համար, բայց նրանց գրեթե ոչ մեկը չի նկատում, և մոդելները թևաթափ են լինում։
Հրապարակման մեջ նշվում է, որ Cinderella Escorts կայքի պայմանների համաձայն` կուսության սկզբնական արժեքը 100 հազար եվրո է, բայց գործարքի գինը կարող է բարձրանալ, եթե գնորդներ լինեն։
Մախբուբա Մամեձադեն Ադրբեջանի ամենապահանջված մոդելներից է։ Այս պահին ապրում և աշխատում է Թուրքիայում։