ԵՐԵՎԱՆ, 24 օգոստոսի — Sputnik. ՀՀ պաշտպանության նախարարի մամուլի խոսնակ Արծրուն Հովհաննիսյանը, չնայած իր կարգավիճակի խստությանն ու լրջությանը, հեռու չէ նաև հումորից։
Նա այսօր ֆեյսբուքյան իր էջում պաշտոնական հաղորդագրության փոխարեն զվարճալի տեսանյութ է հրապարակել, որը որևէ կապ չունի բանակի ու նախարարության հետ։
Հովհաննիսյանի հրապարակած տեսանյութում մայր արջը փորձում է ծառից իջեցնել քոթոթին ու իր նպատակի հասնելու համար ջանք չի խնայում։
Տեսանյութի վերնագիրն արդեն հետաքրքիր է. «Երբ մայրը վերադառնում է ծնողական ժողովից»։
Պատմելու ուրիշ բան չկա, մնում է տեսանյութը դիտել։