ԵՐԵՎԱՆ, 24 օգոստոսի- Sputnik. Տարածաշրջանային այցի շրջանակներում այսօր Երևան ժամանակ Գերմանիայի կանցլեր Անգելա Մերկելն այցելեց Հայոց ցեղասպանության զոհերի հուշահամալիր։ Ծիծեռնակաբերդում նա հարգանքի տուրք մատուցեց Հայոց ցեղասպանության զոհերի հիշատակին:
Ծիծեռնակաբերդ այցի ընթացքում Անգելա Մերկելին ուղեկցում էին Երևանի քաղաքապետի ժամանակավոր պաշտոնակատար Կամո Արեյանը և ՀՀ ԱԳ նախարար Զոհրաբ Մնացականյանը:
Գերմանիայի կանցլերը ծաղիկներ խոնարհեց Հայոց ցեղասպանության զոհերի հիշատակը հավերժացնող անմար կրակի մոտ, բայց թանգարան չմտավ և գրառում չթողեց հուշամատյանում:
Անգելա Մերկելը նաև Ծիծեռնակաբերդի ծառուղում խորհրդանշական եղևնի տնկեց։
Հիշեցնենք, որ 2015թ.-ի ապրիլի 23-ին Հայոց ցեղասպանության մասին հայտարարությամբ է հանդես եկել ԳԴՀ նախագահ Յոախիմ Գաուկին, իսկ 2016թ. հունիսի 2-ին ԳԴՀ Բունդեսթագն ընդունել է Հայոց ցեղասպանության վերաբերյալ բանաձևը։