ԵՐԵՎԱՆ, 20 օգոստոսի — Sputnik. Դատախազությունը տեղեկություն ունի այն մասին, որ Միխայիլ Խաչատուրյանը երկու ավագ դուստրերի` Քրիստինայի ու Անգելինայի նկատմամբ սեռական բնույթի գործողություններ է կատարել։ Այս մասին Life.ru–ի փոխանցմամբ հայտնել է դատախազության ներկայացուցիչը Մոսկվայի քաղաքային դատարանում։
Դրա հետ կապված նիստը փակ ռեժիմով անցկացնելու մասին միջնորդագիր է ներկայացվել։
Քույրերից մեկի փաստաբանը հայտարարել է, որ երկու աղջիկների նկատմամբ սեռական բնույթի բռնությունը նիստի ընթացքում չի քննարկվելու։
Ավելի վաղ հայտնի էր դարձել, որ Խաչատուրյան քույրերը խոստովանել են, որ սպանել են հորը։
Աղմկահարույց սպանությունը տեղի է ունեցել հուլիսի 27-ին Մոսկվայի հյուսիս-արևելքում։ Երեք քույրերը հայտնել էին իրենց հորը` Միխայիլ Խաչատուրյանին սպանելու մասին։ Հարցաքննության ժամանակ քույրերը խոստովանել էին իրենց մեղքը և բացատրել, որ «իրենք վատ հարաբերություններ են ունեցել հոր հետ, քանի որ հայրը տարիներ շարունակ բարոյապես տանջել է նրանց»։ Մոսկվայի Օստանկինսյան դատարանը օգոստոսի 2-ին կալանավորել է երեք քույրերին։