ԵՐԵՎԱՆ, 20 օգոստոսի – Sputnik. ՀՀ պաշտպանության նախարար Դավիթ Տոնոյանի գլխավորած պատվիրակությունը մեկնել է Մոսկվա: Այս մասին տեղեկացնում են ՀՀ ՊՆ տեղեկատվության և հասարակայնության հետ կապերի վարչությունից:
Հաղորդագրության մեջ նշված է, որ հայկական պատվիրակությունը Ռուսաստան է մեկնել ՌԴ պաշտպանության նախարար, բանակի գեներալ Սերգեյ Շոյգուի հրավերով` «ԱՐՄԻԱ-2018» միջազգային ռազմատեխնիկական ցուցահանդեսի և «Ազգային անվտանգության շաբաթ» համաժողովի բացմանը մասնակցելու նպատակով։
Այցի շրջանակում Դավիթ Տոնոյանը կունենա աշխատանքային մի շարք հանդիպումներ:
Հիշեցնենք, որ Տոնոյանի մոսկովյան վերջին այցից շատ ժամանակ չի անցել։ ՀՀ պաշտպանության նախարարը Ռուսաստան էր մեկնել օգոստոսի 11-ին։