ԵՐԵՎԱՆ, 20 օգոստոսի — Sputnik. «Ունիվեր» հեռուստասերիալի աստղ Աննա Խիլկևիչն ու նրա հայ ամուսինը երկրորդ երեխան են ունեցել։ Երջանիկ մայրը լուսանկարը հրապարակել է Instagram–ի իր էջում։
«Վերջապես… Մեր երկար սպասված առյուծիկը ծնվեց։ Հիմա Արիանաս ունի կյանքի ընկերուհի ու հարազատ մի մարդ, որին կկարողանա քրոջ պես ծաղրել։ Բարդ, բայց շատ պտղաբեր գիշեր էր։ Շնորհակալություն բոլոր այն մարդկանց, որոնք մասնակցություն են ունեցել։ Ես դեռ շատ բան կգրեմ, իսկ հիմա գնում ենք քնելու»,– գրել է դերասանուհին։
Նա բազմաթիվ շնորհավորանքներ է ստացել, իսկ օգտատերերից ոմանք զարմացել են, որ Ռուսաստանում նորածիններին մինչև այժմ բարուրում են։
Ավելի վաղ Խիլկևիչը խոստովանել է, որ շատ է անհանգստանում, այդ պատճառով էլ ամուսինը նրա կողքին կլինի ծննդատանը։ Երկրորդ հղիությունը շատ է տարբերվում առաջինից, և կնոջ մոտ նոր տարօրինակություններ են ի հայտ եկել։ Դերասանուհին պատմել է, որ ինչ-որ պահի մեծ քանակությամբ թթու կաղամբ է կերել, հետո անցել է սթեյքներին և ելակին։
«Ամեն գիշեր ինչ-որ տարօրինակ երազ եմ տեսնում։ Մի օր Ջուլիա Ռոբերթսի հետ նստած էինք նույն սեղանի շուրջ և ադամանդներ էինք փորձում, մեկ ուրիշ անգամ ես սավառնում էի…», — նշել էր սերիալի աստղը։
Ծննդաբերությունից բացի, նրա ուղեղը զբաղված է 4 սենյականոց բնակարանի վերանորոգման աշխատանքներով։ Ամուսինները վերջերս են գնել այդ բնակարանը։ Նրանք նախատեսել էին բնակարանամուտի խնջույք կազմակերպել հուլիսին, բայց չի ստացվել։ Խիլկևիչն ասել է, որ վերանորոգման հարցերով զբաղվում է ամուսինը, որը քաջատեղյակ է ոլորտից։ Նա օգնում է կնոջն ընտրել մանկական սենյակի պատերի գույնը, մահճակալի մոտ դրվող փոքրիկ սեղանիկները, մահճակալները և այլն։
«Այդ հարցերով ամուսինս է զբաղվում, նա հայ է, նրան խաբել չի լինի», — ընդգծել է դերասանուհին։
Հիշեցնենք, որ Աննա Խիլկևիչն ամուսնացած է հայ գործարար Արթուր Վոլկովի հետ։ Զույգն իրենց հարաբերություններն օրինականացրել է 2015 թվականին։ Հենց նույն տարում էլ ծնվել է նրանց դուստրը` Արիաննան։ Ի դեպ, մի քանի օր առաջ ամուսինը խոստովանել է, որ ինքն էլ չգիտի երկրորդ երեխայի սեռը. կինը անգամ նրանից է թաքցնում այդ նորությունը։