ԵՐԵՎԱՆ, 19 օգոստոսի — Sputnik. Մոսկվայում տղամարդը կրակել է իր նախկին կնոջը, այնուհետև ինքնասպան է եղել։ Ողբերգության մասին հայտնում են ռուսական ԶԼՄ-ները։
Ողբերգությունը տեղի է ունեցել Մոսկվայի Բաշիլովսկի փողոցում` «Մագնոլիա» խանութի մոտ։
Mash տելեգրամ-ալիքի տվյալներով` ինքնասպան մարդասպանը 67-ամյա մոսկվաբնակ Անատոլի Սիմոնովն է։ Սպանության գործիքը հին հրացանն է, որը հայտնաբերել են դիակների կողքին։ Իր նախկին կնոջը Սիմոնովը փողոցում սպասել է առավոտյան 9-ից, հայտնում է աղբյուրը։
Քրեական գործ է հարուցվել, դեպքի վայրում քննիչներ են աշխատում։ Կատարվածի հանգամանքները պարզվում են։