Նա նշում է, որ Կասպից ծովի երկրներն այս խնդիրը քննարկում էին 20 տարվա ընթացքում և որևէ որոշման չէին կարողանում գալ։ Վերջապես ինչ-որ լուծում գտնվեց։ Բայց դժգոհություններ կան, հատկապես` Իրանում։
«Իրանում միշտ փորձում են, ելնելով իրավիճակից, տվյալ խնդիրն այլ հարթակներում բարձրացնել հնարավորություններ գտնել։ Հիմա Իրանը այդքան էլ լավ վիճակում չէ` ամերիկյան պատժամիջոցներ, իրանական դրամի անկում։ Այնտեղ հասկանում են, որ ինչ-որ ելքեր պիտի գտնեին և դա արեցին այս համաձայնագրի տակ ստորագրելով։
Բայց սա չի նշանակում, որ սա վերջնական քայլ է։ Դա դեռ պետք է հաստատի Իրանի խորհրդարանը, փորձագիտական խմբերը բազմաթիվ դժգոհություններ են հայտնում, նույնիսկ Իրանի ԱԳ նախարարն է առանձին մեկնաբանություններ տվել»,–ասում է Վարդանյանը։
Փորձագետը նշում է, որ այնպես չէ, որ այս համաձայնագրով Կասպից ծովը վերջնականապես բաժանվեց 5 մասի։ Բայց նաև նկատում, որ եթե վերջնական լուծվի այս խնդիրը տարածաշրջանում նոր աշխարհաքաղաքական իրավիճակ կստեղծվի։