Մխիթարյանի գոլն ու գոլային փոխանցումը չփրկեցին «Արսենալին». տեսանյութ

ԵՐԵՎԱՆ, 18 oգոստոսի — Sputnik. Անգլիայի Պրեմիեր լիգայի 2-րդ տուրում,«Չելսի»-«Արսենալ» համառ և գոլառատ խաղում հաղթեցին տանտերերը` 3:2 հաշվով:

Հանդիպման 20-րդ րոպեին «Չելսին» արդեն հաղթում էր 2:0 հաշվով: 9-րդ րոպեին հաշիվը բացել էր Պեդրոն, իսկ 20-րդ րոպեին այն կրկնապատկել էր Մորատան:

Խաղի 37-րդ րոպեին Հայաստանի հավաքականի ավագ Հենրիխ Մխիթարյանը դարձավ գեղեցիկ գոլի հեղինակ՝ կրճատելով հաշվի տարբերությունը:

Նշենք, որ նա «Չելսի»-«Արսենալ» այսօրվա հանդիպման ժամանակ մեկնարկային կազմում դուրս եկավ խաղադաշտ։

4 րոպե անց Մխիթարյանի փոխանցումից հետո Իվոբին հավասարեցրեց հաշիվը:

Իր թիմի համար հաղթական գոլը 81-րդ րոպեին խփեց Մարկոս Ալոնսոն: