ԵՐԵՎԱՆ, 16 օգոստոսի — Sputnik. Kiki Challenge նոր ֆլեշմոբը բառացիորեն վիրուս է դարձել, որը վարակել է ամբողջ աշխարհը։ Անհնար է հասկանալ շարժվող ավտոմեքենայի ֆոնին ռիթմիկ երաժշտության տակ պարի իմաստը։ Ճիշտ նույն կերպ անհնար է բացատրել, թե հատկապես ինչն է գրավում հարյուր հազարավոր մարդկանց այս ֆլեշմոբում։
Էությունը ամերիկացի երգիչ Դրեյքի In My Feelings երգի տակ պարելն է։ Միաժամանակ, ֆլեշմոբի մասնակիցների պարը պետք է պատկերի սրտի բաբախյուն։ Շատ ակտիվիստներ փորձում են ավելի լավ դրսևորել են իրենց` դուրս թռչելով ավտոմեքենայից ընթացքի մեջ։
Սոցիալական ցանցերում կարելի է գտնել ոչ միայն հումորային, այլ նաև ողբերգական տեսանյութեր։ Sputnik Արմենիան առաջարկում է դիտել Kiki Challenge–ի ամենասարսափելի տեսահոլովակները։
Անհեթեթ մա՞հ
Այս տեսանյութը, որը ներբեռնված է օգոստոսի 5–ին Aloon SHaH օգտատիրոջ ալիքում, կոչվում է Kiki Challenge։ Տեսանյութում երևում է, թե ինչպես է աղջիկը փորձում դառնալ ֆլեշմոբի մաս և կրկնել պարով հնարքը տեսախցիկի դիմաց։ Դատելով շարժումներից և նրանից, թե ինչ վստահությամբ է նա իրեն պահում` կարելի է ենթադրել, որ աղջիկն այդ հնարքը մի քանի անգամ կրկնել է, որն արդյունքում իսկական ողբերգության է վերածվում։
Միայն վնասվածք է ստացել
Pradeep Shekhawat օգտատերը Facebook սոցիալական ցանցերում նախազգուշական բնույթի տեսանյութ է հրապարակել և խորհուրդ տվել մահվան հետ կատակ չանել, ավելի իմաստուն լինել և հեռու մնալ հիմար հնարքներից։
Հոլովակում երևում է, թե ինչպես է Kiki Challenge–ին միացած ոմն երիտասարդ բախվում սյանը։ Տղայի հետագա ճակատագիրն անհայտ է, ամենայն հավանականությամբ, նա ընդամենը վնասվածքներ է ստացել։
Տղան վրաերթի է ենթարկվել
Ամենայն հավանականությամբ, այդ տղայի համար Kiki Challenge–ը վերջինն է դարձել նրա կյանքում։ Տեսանյութը, որում տղան փորձում է կրկնել պարը շարժվող մեքենայի մոտ, 2018թ–ի օգոստոսի 4–ին YouTube ալիքում ներբեռնել է Innovative Achint օգտատերը։
Տեսահոլովակի սկզբում երևում է, թե ինչպես է տղան պարում երաժշտության տակ, այնուհետև նրան հարվածում է մեքենան, և տղան մահանում է։
Շապիկով է ծնվել
Ջայլեն Նորվուդ (Jaylen Norwood) օգտատիրոջ բախտն ավելի շատ է բերել. նա ընդամենը ձեռքի վնասվածք է ստացել։ Ջայլենը տեսանյութը հրապարակել է Instagram–ում։ Այն ավելի քան 86 հազար դիտում ունի։