Նախկինում շարքային կազմում ընդհանարապես արգելված է եղել հեռախոսնի կիրառումը, սակայն շատ դեպքերում անտեսել են այդ հրամանը և օգտագործել են` վնասելով իրենց, վտանգելով իրենց և զինակիցների կյանքը, Sputnik Արմենիայի եթերում ասաց ՀՀ ՊՆ մամուլի խոսնակ Արծրուն Հովհաննիսյանը։
«Հետևաբար պետք էր գտնել այնպիսի ճկուն մեխանիզմ, որ մի կողմից թույլատրվեր որոշ ժամերի և որոշ տեղերում հեռախոս օգտագործել, մյուս կողմից հստակեցնել սահմանափակումները»,- ասաց նա։
ՀՀ ՊՆ-ի նոր կանոնակարգով հեռախոսից օգտվելու կանոնները հստակեցված են։ Զորամասերում մշտական տեղակայման վայրերում զինծառայողները կարող են օգտվել հեռախոսներից, բայց այնպիսի սարքերից, որոնք չունեն ձայնագրման, տեսագրման, լուսանկարման և ինտերնետ ծառայություններից օգտվելու հնարավորություններ, քանի որ հիմնական արտահոսքը կատարվում է այս միջոցներով։
Եթե հեռախոսը չունի այդ հնարավորությունները, ապա հարազատների հետ կապ հաստատելու համար զինվորները կարող են օգտվել սարքից։