ԵՐԵՎԱՆ, 16 օգոստոսի — Sputnik. Հայտնի երգչուհի, դերասանուհի և pole-dance-ի աշխարհի չեմպիոն Վարդան (Վարդանուշ Մարտիրոսյան) հոգին է բացել Instagram-ի իր բաժանորդների առաջ։
«Ուշ է ինձ դաստիարակել, ես անամոթ եմ մեծացել», — իր հրապարակած լուսանկարին կից գրել է նա։
Վարդան հիշեցրել է, որ արդեն 33 տարեկան է, 14 տարեկանում հեռացել է տնից ու չի կործանվել, ավելին` երկու բարձրագույն կրթություն է ստացել, անուն է հանել և իր փոքրիկ բիզնեսն է ստեղծել։
«Պարերն իմ կյանքն են, դրանում ես կարողանում եմ արտահայտվել այնպես, ինչպես ուզում եմ», — նշել է նա։
Հավանաբար ինչ-որ մեկը խիստ զայրացրել է նրան, քանի որ երգչուհին նշել է, որ երբեք չի հարցրել ծնողների կարծիքն այդ կապակցությամբ և առավել ևս մտադիր չէ զառանցանքներ լսել անծանոթ մարդկանցից։
«Դուք պարզապես վախենում եք, որ Ձեզ չեն սիրի, եթե Դուք ցուցադրեք ձեր իրական ցանկությունները, Դուք վախենում եք, որ Ձեզ կդատապարտեն։ Դուք արդեն հասուն մարդ եք, սակայն շարունակում եք ապրել «օրագրում» գնահատական ստանալու համար», — գրել է նա` ավելացնելով, որ իր օրագիրը 14 տարեկանում է դեն նետել։
Pole-dance-ի 10-ամյա փորձառության ընթացքում Վարդան կարողացել է մեծ հաջողությունների հասնել և նվաճել աշխարհի ամենահեղինակավոր տիտղոսները` ելույթ ունենալով «Սև հրեշտակ» կեղծանունով։