ԵՐԵՎԱՆ, 16 օգոստոսի — Sputnik. ՀՀ կառավարությունը Ֆրանկոֆոնիայի միջազգային գագաթնաժողովի անցկացմանը նախապատրաստվում է բարձր մակարդակով։ Կառավարության այսօրվա նիստում այս մասին հայտնեց ՀՀ արտգործնախարար Զոհրաբ Մնացականյանը։
Գագաթնաժողովն անցկացվելու է հոկտեմբերի սկզբին։ Հյուր են գալու Ֆրանսիայի նախագահ Էմանուել Մակրոնը, Կանադայի վարչապետ Ջասթին Տրյուդոն և պետական այլ այրեր։
Մնացականյանի խոսքով` պետական մի շարք պատվիրակություններ ևս հաստատել են իրենց մասնակցությունը գագաթնաժողովին։
ՀՀ ԱԳՆ-ն գագաթնաժողովի անցկացման համար 120 մլն դրամ կստանա (մոտ 250 հազար դոլար)։ Այդ գումարով կլուծվելի հյուրերի կեցության հարցը (այդ թվում` լրագրողների մեծ խմբի), ինչպես նաև տոնական միջոցառումներ կանցկացվեն։