ԵՐԵՎԱՆ, 15 օգոստոս — Sputnik. Քաղաքացին սպառնում է պայթեցնել Առողջապահության նախարարության շենքը։
Ինչպես տեղեկացնում է ՀՀ ԱԻՆ մամուլի ծառայությունից, օգոստոսի 15-ին, ժամը 11:21-ին քաղաքացին ահազանգել է «911» ծառայություն և հայտնել, որ պատրաստվում է պայթեցնել ՀՀ առողջապահության նախարարության շենքը:
Sputnik Արմենիայի թղթակիցը տեղեկացնում է, որ այս պահին շենքից տարհանվել է մոտ 2000 մարդ։
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ, Արտակարգ իրավիճակների արձագանքման խմբերը և հոգեբանական աջակցության բաժնի փորձնակը:
Դեպքի վայրում աշխատող մեր թղթակիցը քիչ առաջ տեղեկացրեց`շենքից դուրս եկած ոստիկանության աշխատակիցը հայտնել է, որ ահազանգը կեղծ էր, շենքում պայթուցիկ չկա։ Աշխատակիցները քիչ–քիչ վերադառնում են աշխատասենյակներ։