ԵՐԵՎԱՆ, 11 օգոստոսի — Sputnik. Սոչիի բնակիչը սոցցանցերի օգտատերերին զարմացրել է իր ինքնատիպ մոտեցմամբ. տղամարդը հարմարավետության համար ներկել է ճանապարհային նշանի մի հատվածը և հոծ գիծը վերածել կետագծերի։ Զվարճալի տեսանյութը հրապարակվել է Krasnodar.pro-ի Instagram-ի էջում։
Նշենք, որ տեսանյութը նկարահանվել է օգոստոսի 9-ի լույս օգոստոսի 10-ի գիշերը։
Օրինապահ օգտատերերից շատերը հնարամիտ ավտովարորդին մեղադրել են ճանապարհային նշանն ինքնակամ փոխելու համար։
Ոմանք նույնիսկ վստահեցրել են, որ պետք է պատժել նաև նկարահանողին. «Որևէ մեկը նկատե՞լ է, որ տեսանկարահանող մարդը հանդիպակաց երթևեկելի մասում է կանգնած։ Նրան պետք է զրկել վարորդական իրավունքից»։
Սակայն մյուսներն աջակցել են տղամարդուն` հայտարարելով, որ միայն այդպես է հնարավոր պայքարել ճանապարհային ոստիկանության դեմ, «որը ճանապարհային գծերն անտրամաբանորեն է գծում»։