ԵՐԵՎԱՆ, 9 օգոստոսի — Sputnik. Հոլիվուդյան հայտնի ոճաբան և դիմահարդար Խռուշ Աջեմյանն Instagram–ի իր էջում բավական արտասովոր տեսանյութ է հրապարակել։
Տեսանյութում` Forbes ամսագրի վարկածով աշխարհի ամենաազդեցիկ կանանցից մեկը քոչարի է պարում։ Ամեն ինչ այլ կլիներ, եթե դա լիներ Շերը կամ Քարդաշյան քույրերից մեկը, որոնք գոնե հայկական արմատներ ունեն։ Սակայն տեսանյութում սևամորթ հեռուստահաղորդավարուհի է պարում, շոու բիզնեսի ամենահարուստ կինը` Օփրա Ուինֆրին։
«Ծանոթացեք հորաքրոջս հետ։ Հորաքույրս ամեն անգամ պարում է քոչարիի տակ», – գրել է Խռուշը։
Ավելի վաղ Քարդաշյան քույրերի հայ ընկերուհին, նրանցից մեկին` Քլոեին, հայերեն էր սովորեցնում։ Խռուշը` քույրերից մեկին դիմելիս հաճախ լուսանկարների տակ և սթորիզներում օգտագործում է «ապուշիկ» բառը։
Աղջիկն իր ծննդյան կապակցությամբ շքեղ երեկույթ էր կազմակերպել Լոս Անջելեսի ռեստորաններից մեկում, որտեղ հայկական երաժշտության ներքո պարում էին Քլոեն և Խռուշի աստղային այլ հյուրեր։
Հայ գեղեցկուհին ավելի շատ ժամանակ է սկսել անցկացնել հոլիվուդյան բոհեմի ներկայացուցիչների հետ և ավելի քան 2.3 մլն բաժանորդ ունենալով՝ Instagram–ի հայտնիների Օլիմպոսում արդեն իր լիարժեք տեղն ունի։