ԵՐԵՎԱՆ, 9 Օգոստոս — Sputnik. Լրագրողների մուտքը կառավարության նիստերի դահլիճ կրկին կարգելեն: Այս մասին այսօր լրագրողներին ասաց վարչապետի մամուլի խոսնակ Արման Եղոյանը` նշելով, որ վերադառանում են շենքի անվտանգության նախկին ռեժիմին:
«Շենքի պահպանության ռեժիմը օրենքով չի որոշվում։ Շենքի անվտանգության ծառայությունն է որոշել: Նախորդ շաբաթ բարձրանում էիք՝ շենքի անվտանգության ռեժիմը խախտելով»,-ասաց վարչապետի մամուլի խոսնակը:
Լրագրողերի վրդովմունքին, թե մի քանի ամիս է, ինչ հնարավորություն են ունեցել մուտք գործել կառավարության նիստերի դահլիճ, հիմա ինչպե՞ս է հիմա նոր խախտվել անվտանգությունը, Արման Եղոյանն ասաց, որ խնդիրները լրացուցիչ կքննարկի անվտանգության ծառայողների հետ:
Նա նշեց, որ հարցազրույցներ կարող են անել այլ վայրում:
Հիշեցնենք, նախկին վարչապետ Կարեն Կարապետյանի օրոք լրագրողներն աշխատում էին մամուլի սրահում, նրանց մուտքը նիստերի դահլիճ արգելված էր։
Սերժ Սարգսյանի վարչապետ ընտրվելուց հետո որոշվեց, որ կառավարության նիստերը փակ են լինելու, ինչը բարձրացրեց դժգոհության ալիք։
Վարչապետ ընտրվելով` մասնագիտությամբ լրագրող Նիկոլ Փաշինյանը որոշեց դռները բացել լրագրողների առաջ։