ԵՐԵՎԱՆ, 9 օգոստոսի — Sputnik. «Միսս Աշխարհի» հայ մասնակից Արենա Զեյնալյանի մասին տեղեկություն է հայտնվել մրցույթի Instagram–ի էջում։
Կազմակերպիչները համառոտ ներկայացրել են հայ մասնակցին։
«Ես Արենա Զեյնալյանն եմ։ Ինձ 2018 թվականի հուլիսի 8–ին թագադրել են որպես «Միսս Հայաստան»։ Ես 24 տարեկան եմ», – նշվում է հրաապարակման մեջ։
Դպրոցն ավարտելուց հետո աղջիկը կենսատեխնոլոգիաների ոլորտում կրթություն է ստացել։
«Զբաղվում եմ գեղանկարչությամբ ու դիզայնով։ Ոսկերչական իրերի պատրաստման հատուկ դասընթացներ եմ անցել, որոշ ժամանակ զարդերի դիզայներ եմ աշխատել», – ասել է Արենան։
Հայտնի է նաև, որ նախորդ սեպտեմբերին հայ գեղեցկուհու նկարների անհատական ցուցահանդես է եղել։ Բացի այդ` նա սպորտով է զբաղվում ու ֆիթնես մարզիչի լիցենզիա ունի։