ԵՐԵՎԱՆ, 8 օգոստոսի — Sputnik. Թեհրանում պայթյունի զոհ է դարձել 3 մարդ։ Ինչպես հաղորդում է IRNA գործակալությունը՝ հղում անելով քաղաքի հրշեջ-փրկարար ծառայությանը, լույս օգոստոսի 8-ին Իրանի մայրաքաղաք Թեհրանի արվարձանում գտնվող «Էնգելաբ» մարզահամալիրում պայթյուն է որոտացել, ինչի հետևանքով մահացել է երեք բանվոր:
Պայթյունի պահին բանվորները եղել են կաթսայատանը:
Թեհրանի հրշեջ բաժնի ներկայացուցիչ Ջալալ Մալեքիի խոսքով՝ պայթյունը չի վնասել շինությունն ու հրդեհ չի առաջացրել: Միջադեպի պատճառը պարզվում է:
«Էնգելաբ» մարզահամալիրն օրական մոտ 10 հազար այցելու է ընդունում: