ԵՐԵՎԱՆ, 8 օգոստոսի — Sputnik. Այսօր ժամը 13:45-ին ոստիկանները Լոռու անտառներում կորած քաղաքացու դին են հայտնաբերել։
Այս մասին հայտնում է ՀՀ ԱԻՆ մամուլի ծառայությունը։
Ինչպես արդեն տեղեկացրել էինք, օգոստոսի 7-ին, ժամը 20:19-ին «911» ծառայությանն ահազանգ է ստացվել, որ Երևան քաղաքի բնակիչը՝ Մ. Ղ.-ն (ծնված 1990 թ.), ժամը 10:30-ի սահմաններում «Օձուն» հանգստյան տնից գնացել է մոտակա անտառ և չի վերադարձել, հեռախոսազանգերին չի պատասխանում. անհրաժեշտ է փրկարարների օգնությունը:
Ոստիկանության աշխատակիցներն իրականացրել են որոնողական աշխատանքներ, փրկարարների օգնության կարիքը չի եղել:
Այսօր ժամը 05:30-ից որոնողափրկարարական աշխատանքները շարունակվել են: Եվ միայն ցերեկը ոստիկանները գտել են 28–ամյա երիտասարդի դին։