ԵՐԵՎԱՆ, 8 օգոստոսի — Sputnik. Օգոստոսի 8-ին, 00։30–ին դիմակավորված ու ձեռնոցներով անձը մտել է Արմավիր քաղաքի մթերային խանութներից մեկն ու դանակի սպառնալիքով վաճառողուհուց պահանջել նրա պարանոցի ոսկյա շղթան:
Ինչպես հայտնում է shamshyan.com կայքը, վաճառողուհին հրաժարվել է կատարել պահանջը, հարձակվողն այն քաշել, պոկել է, բայց չի կարողացել տանել, քանի որ ընկել է։
Դրա փոխարեն նա խանութի դրամարկղից հափշտակել է շուրջ 250 հազար դրամ և դիմել փախուստի:
Դեպքի առթիվ ոստիկանության քննչական վարչությունում նյութեր են նախապատրաստվում: