ԵՐԵՎԱՆ, 8 օգոստոսի — Sputnik. «Սասնա ծռեր» զինված խմբի անդամ Պավլիկ Մանուկյանը կմնա անազատության մեջ: Այս մասին այսօր հայտարարել է Երեւանի Վերաքննիչ դատարանի դատավոր Մեսրոպ Մակյանը՝ մերժելով պաշտպանական կողմի միջնորդությունը:
Որպես միջնորդությունը մերժելու հիմք նա մատնացույց է արել դատաքննության ընթացքում ի հայտ եկած նոր հանգամանքները, որոնք հաշվի առնելով՝ հնարավոր է ազատության մեջ Պավլիկ Մանուկյանը ազդեցություն գործի այլ անձանց վրա:
Մեղադրանքի կողմը նույնպես առարկել էր խափանման միջոցը փոխելու պաշտպանական կողմի միջնորդությանը: