ԵՐԵՎԱՆ, 7 Օգոստոս — Sputnik. ՀՀ գյուղատնտեսության նախարարության պատասխանատու պաշտոնատար անձինք չարաշահումներ են թույլ տվել գյուղացիներին մատչելի գներով դիզվառելիքի վաճառքի պետական ծրագրի իրականացման ընթացքում։
Այս մասին հայտնում է ՀՀ գլխավոր դատախազությունը։
Օրինակ` պարզվել է, որ 2015թ.-ին թեև սահմանված է եղել սուբսիդավորման գինը 1 լիտրի համար 55 դրամ, բայց դրա համար մատակարար ընկերությանը փոխհատուցվել է 88 դրամ՝ էական վնաս պատճառելով պետության օրինական շահերին։
Արդյունքում` բյուջեից 104.871.558 դրամ ավելի գումար է փոխանցվել։
Բացահայտված փաստերով հարուցվել է քրեական գործ, որի նախաքննությունը հանձնարարվել է ՀՀ քննչական կոմիտեին։