Վարդան Ոսկանյան. պատժամիջոցները չեն կարող խաթարել հայ-իրանական գործակցությունը
© Sputnik
Իրանը աշխատել ու աշխատում է միջուկային համաձայնագրի տառին և ոգուն համաձայն:
Այս մասին Sputnik Արմենիայի հետ զրուցում ասաց ԵՊՀ Իրանագիտության ամբիոնի վարիչ, բանասիրական գիտությունների թեկնածու, դոցենտ Վարդան Ոսկանյանը:
«Բոլոր այն կառույցները, որոնք միտված էին Իրանի գործողությունները վերահսկելուն, միաձայն հայտարարում են, որ իրանցիները որևէ պայմանավորվածություն չեն խախտել»,- շեշտեց ԵՊՀ դոցենտը:
Ոսկանյանը հավելեց, որ հակառակ դրան՝ Թրամփի վարչակարգը և անձամբ ԱՄՆ նախագահը կարծում են, որ Իրանի հետ նման համաձայնագիր կնքելը կոպտագույն սխալ է եղել, որը թույլ է տվել ԱՄՆ նախորդ նախագահը: