ԵՐԵՎԱՆ, 6 օգոստոսի — Sputnik. Կալիֆոռնիայի հարավում գտնվող Սանտա-Անա քաղաքում թեթև շարժիչով ինքնաթիռն ընկել է ավտոկայանատեղի վրա, հայտնում է Associated Press–ը:
Վթարի հետևանքով զոհվել է 5 մարդ, որոնք ենթադրաբար ուղևորներն էին:
Աղբյուրի համաձայն` աղետը տեղի է ունեցել, երբ ինքնաթիռն ուղևորվում էր օդանավակայան, որը դեպքի վայրից մեկուկես կիլոմետր հեռավորության վրա էր գտնվում։ Վթարի հետևանքով ավտոկայանատեղիում գտնվող մարդկանցից ոչ ոք չի տուժել:
Վթարի վայրի մոտակայքում գտնվող փողոցները փակվել են: