ԵՐԵՎԱՆ, 6 Օգոստոս — Sputnik. Դոնալդ Թրամփը ստորագրել է հրամանագիր Իրանի դեմ պատժամիջոցները վերականգնելու վերաբերյալ:
Այս մասին հայտարարությունը հրապարակվել է Սպիտակ տան պաշտոնական էջում:
Դրանք հետաձգվել էին երկու տարի առաջ, երբ հունվարին ստորագրվեց Իրանի միջուկային ծրագրի համաձայնագիրը:
Ըստ հայտարարության դրանք ուժի մեջ կմտնեն երկու փուլով:
Վաղը՝ օգոստոսի 7-ին ուժի մեջ մտնող պատժամիջոցների առաջին փուլում կվերականգնվեն սահմանափակումներն ընդդեմ Իրանի սուվերեն պետական պարտքի և նրա ազգային արժույթի: Դրանից բացի, կվերականգնվեն պատժամիջոցները մետաղների և թանկարժեք մետաղների առևտրի, ինչպես նաև կառավարության կողմից ԱՄՆ արժույթ գնելու գործընթացի նկատմամբ:
Երկրորդ փուլը կառնչվի տնտեսության էներգետիկ հատվածին, ԻԻՀ կենտրոնական բանկի գործարքներին, երկրի նավահանգիստներին և նավաշինական ճյուղին:
Պատժամիջոցների երկրորդ փուլը ուժի մեջ պիտի մտնի ընթացիկ տարվա նոյեմբերի 4-ին: Ինչպես ընդգծված է Թրամփի ստորագրած հրամանագրում՝ երկրորդ փուլը ենթադրում է պատժամիջոցների վերականգնում, որոնք առնչվում են Իրանի նկատմամբ իրականացվող գործողություներին՝ նավթի արտահանման և էներգետիկ հատվածի, ֆինանսական ինստիտուտների հետ կապված: Պատժամիջոցներ կլինեն այն ընկերությունների դեմ, որոնք ունեն նավահանգիստներ, նավաշինական ոլորտից են, ինչպես նաև ապահովագրական ընկերությունների ու այն կազմակերպությունների դեմ, որոնք կապված են ֆինանսական տեղեկատվության փոխանցման հետ: