Sputnik Արմենիայի թղթակիցները «Համով Հայաստան» նախագծի շրջանակներում գտել են մայրաքաղաքի միակ հաստատությունը, որտեղ մենյուն բաղկացած է բացառապես հրեական խոհանոցի ուտեստներից։ Այս թողարկման ընթացքում կպատրաստենք հրեական «Էսիկ Ֆլեյշ» ուտեստը։
Բաղադրիչներն են` կաշերային տավարի միս, որը ռեստորանը ներմուծում է Իսրայելից, հայկական թթու լավաշ, ընկույզ, մեղր, ալյուր, կծու շոկոլադ։ Վրան ավելացնում են տաբասկ, գինուց պատրաստված քացախ, աղ և պղպեղ։
«Ավանդական հրեական բաղադրատոմս է, որին հայկական շեշտադրություն ենք հաղորդել։ Եթե մեզ հրեա է այցելում, ապա նա հրեական ռեստորանում Հայաստանի մի փոքր մաս պետք է համտեսի», –Sputnik Արմենիայի թղթակցի հետ զրույցում ասաց ռեստորանի շեֆ–խոհարար Ռոբերտ Հարությունյանը։
Նա նաև նշեց, որ ուտեստը հավանել են Հայաստանի բնակիչները, որոնք սիրում են և պատրաստ են էքսպերիմենտների, հատկապես, խոհարարական։
Մանրամասները դիտեք տեսանյութում։