ԵՐԵՎԱՆ, 2 օգոստոսի — Sputnik. Մոտ երկամսյա ձերբակալության արդյունքով ավարտված դատական նիստն անցկացվեց է փակ ռեժիմով, քանի որ մեղադրյալներից մեկն անչափահաս էր:
Ռուսական աղբյուրները տեղեկացնում են, որ աղջկա չափահաս քույրերի պարագայում էլ փակ դատական նիստի պատճառը նրանց պատիվն ու արժանապատվությունը վարկաբեկող տեղեկություններ չբացահայտելն է:
Դատարանում քույրերին աջակցելու համար ներկա են եղել նրանց բարեկամներն ու ընկերները: Ըստ նրանց՝ կրտսեր քույրը «շատ տխուր և ընկճված է» եղել:
Քույրերը փորձել են իրենց արարքը ներկայացնել որպես ինքնապաշտպանություն, նրանց ցուցմունքները հակասել են միմյանց:
Հիշեցնենք, ավելի վաղ դատարանը որոշել էր խստացնել Խաչատուրյան քույրերի մեղադրանքը: Մինչ այդ քույրերին սպառնում էր մինչև 15 տարվա ազատազրկում՝ «Սպանություն առանց ծանրացուցիչ հանգամանքների» հոդվածով, մինչդեռ հավելյալ նյութերի քննության արդյունքում մեղադրանքը խստացվել է, և այժմ նրանցից չափահասներին կարող է սպառնալ մինչև իսկ ցմահ ազատազրկում:
Աղջիկները հարցաքննության ժամանակ ընդունել էին իրենց մեղքը՝ պատմելով, որ 57-ամյա հայրը տարիներ շարունակ տանջել է իրենց:
Սպանությունը տեղի է ունեցել հուլիսի 27-ին՝ Մոսկվայում: 17, 18 և 19 տարեկան հարազատ քույրերը դանակով բազմաթիվ հարվածներ էին հասցրել նրան: Ձերբակալությունից հետո քույրերը խոստովանել էին, որ հայրը տարիներ շարունակ տանջել է իրենց, ստորացրել ու դրդել սեռական բնույթի գործողությունների: Ոստիկանությունից փաստում են, սակայն, որ աղջիկները բռնաբարության փաստով որևէ բողոք նախկինում չեն ներկայացրել իրավապահներին: