ԵՐԵՎԱՆ, 31 հուլիսի — Sputnik. Հայաստան պետական այցով ժամանած Իտալիայի նախագահ Սերջիո Մատարելլան եղել է Ծիծեռնակաբերդի հուշահամալիրում և ծաղկեպսակ դրել։
Նախագահը գրառում է կատարել Հուշամատյանում, այնուհետև եղևնի տնկել հուշահամալիրի պուրակում։
Հիշեցնենք, որ Իտալիայի նախագահ Սերջիո Մատարելլան Հայաստան է ժամանել իր հայ գործընկեր Արմեն Սարգսյանի հրավերով։ Հուլիսի 30–ին տեղի են ունեցել երկկողմ բանակցությունները։
Նախատեսվում է նաև մշակութային ժառանգության պահպանման հայ–իտալական կենտրոն բացում։