Ինչպես են Հայասատանն ու Իտալիան պահպանելու հարուստ մշակութային ժառանգությունը

ԵՐԵՎԱՆ, 31 հուլիսի — Sputnik. Հայաստանի և Իտալիայի ժողովուրդներին կապում է բազմադարյա բարեկամությունը, նրանք աշխարհում 1–ինը Քրիստոնեությունն ընդունած երկրներից են։ Այս մասին այսօր Երևանում Մշակութային ժառանգության պահպանման և վերականգնման հայ-իտալական տարածաշրջանային կենտրոնի բացման արարողությանն ասաց Իտալիայի ԱԳՆ Էնցո Մոավերո Միլանեսին։

Բացմանը ողջույնի խոսքերով հանդես է եկել նաև Հայաստանի մշակույթի նախարար Լիլիթ Մակունցը, որից հետո երկու երկրների նախագահները բացել են կենտրոնի անվանատախտակը եւ շրջայց կատարել տարածքում:

Կենտրոնը հիմնվել է հայկական և իտալական կողմերի համատեղ նախաձեռնությամբ և նպատակ ունի իրականացնել մշակութային ժառանգության պահպանմանն ու վերականգնմանն ուղղված տարբեր, այդ թվում՝ տարածաշրջանային ծրագրեր: