ԵՐԵՎԱՆ, 27 հուլիսի — Sputnik. Առողջապահության նախարար Արսեն Թորոսյանը ֆեյսբուքյան ուղիղ եթերով արձագանքեց «Սուրբ Գրիգոր Լուսավորիչ» բժշկական կենտրոնի անձնակազմի բողոքի ակցիային:
Նա հերքեց բժշկական կենտրոնի աշխատակիցների այն պնդումը, թե բուժհիմնարկի տնօրենի աշխատանքից ազատումն անհիմն է, հղում անելով այն հանգամանքին, որ բուժկենտրոնը պետական է և ներկա տնօրինությունը արդյունավետ չի աշխատում:
Իր ելույթում Թորոսյանը չխուսափեց նաև բուժհիմնարկի ողջ կոլեկտիվին կազմակերպված բանդայի ներկայացուցիչներ անվանելուց:
Նա կրկին խոսեց չարաշահումների առկայության մասին և շեշտեց, թե դրանք այնքան սիստեմատիկ են, որ չեն դադարել նույնիսկ ստուգումների ընթացքում:
Նախարարն իր խոսքը եզրափակեց «վիշապը պետք է գլխատվի» նախադասությամբ: