ԵՐԵՎԱՆ, 27 հուլիսի — Sputnik. Ռուսաստանի ու Հայաստանի արտգործնախարարներն այսօր կայացած հեռախոսազրույցի ընթացքում քննարկել են երկկողմ հարաբերությունները ընդհանուր ինտեգրացիոն գործընթացների շրջանակում։ Այս մասին հայտնում ՌԴ ԱԳՆ մամուլի ծառայությունը։
«Քննարկվել են ինտեգրացիոն միավորումների շրջանակում երկկողմ համագործակցության ու փոխներգործության առանձին հարցեր», – նշվում է ՌԴ ԱԳՆ կայքում։
Հաղորդագրության մեջ նշվում է, որ հեռախոսազրույցը կայացել է ռուսական կողմի նախաձեռնությամբ։
Հիշեցնենք` վերջին անգամ նախարարներն անձամբ շփվել են Մոսկվայում հունիսի 7–ին` Զոհրաբ Մնացականյանի աշխատանքային այցի ընթացքում։