ԵՐԵՎԱՆ, 25 Հուլիս — Sputnik. Ոստիկանության պետ Վալերիյ Օսիպյանը հանդիպում է ունեցել քաղաքացիների հետ։
Նրանց հուզող հարցերը եղել են և՛ ոստիկանության իրավասության շրջանակում, և՛ դրանից դուրս։
Ոստիկանության հասարակայնության հետ կապերի և լրատվության վարչությունից տեղեկացնում են, որ ընդունելության եկած քաղաքացիներից շատերը նախկինում տուժել էին հանցագործություններից և խնդրում էին, որ դրանք հնարավորինս արագ բացահայտվեն։
Վալերիյ Օսիպյանը հավաստիացրեց, որ ոստիկանությունը անզիջում պայքար է մղում հանցավորության դեմ, և կարվի ամեն ինչ չբացահայտված դեպքերը հնարավորինս արագ բացահայտելու ուղղությամբ։ Կային քաղաքացիներ, որոնք առնչվել էին ոստիկանության կոնկրետ ծառայողների հետ և բողոքում էին նրանց գործողություններից, նաև՝ անգործությունից։
Մանրամասները ներկայացված են տեսանյութում: