ԵՐԵՎԱՆ, 26 հուլիսի — Sputnik. Սուրենավան համայնքի ղեկավար Կարո Կարապետյանը յուրացումներ է կատարել: Այս մասին տեղեկացնում են Ոստիկանության հասարակայնության հետ կապերի և լրատվության վարչությունից:
Տվյալները ստացել են Ոստիկանության Արարատի մարզային վարչության և տարածքային ստորաբաժանումների ծառայողները՝ հետախուզական միջոցառումների արդյունքում։
Ոստիկանության Արարատի բաժնում նախապատրաստված նյութերով պարզվել է հետևյալը. համայնքի ղեկավարը 2017-2018 թվականների ընթացքում Սուրենավանի 20-ից ավելի բնակչի անուններով դիմումներ է ձևակերպել և որպես օգնություն դուրս գրված գումարները՝ ընդհանուր 1.035.000 դրամ, յուրացրել է։
Պարզվել է նաև, որ համայնքի ղեկավարը Սուրենավանում հանգստի գոտի ունի, որը գրանցված չէ և գործել է առանց համապատասխան թույլտվության։