Սուրեն Սարգսյան
© Sputnik
Համաշխարհային պրակտիկայում շատ են հանդիպում դեպքեր, երբ ֆինանսապես ապահովված մարդիկ պետական բարձր պաշտոններ զբաղեցնելիս հրաժարվում են աշխատավարձից: Այս մասին Sputnik Արմենիայի հետ զրույցում ասաց քաղաքագետ Սուրեն Սարգսյանը՝ մեկնաբանելով թղթակցի այն դիտարկումը, թե իրականում Հայաստանում պետական պաշտոնյաների աշխատավարձն այնքան էլ բարձր չէ և սփյուռքահայերից շատերը, եթե համաձայնեն էլ գալ Հայաստան որոշակի պաշտոն ստանձնելու, ապա դա պիտի անեն զուտ հայրենասիրությունից դրդված:
«Հենց ԱՄՆ գործող նախագահ Թառափը հրաժարվել է իր աշխատավարձից»,- օրինակ բերեց Սարգսյանը և հավելեց, որ մեր այն հայրենակիցները, որոնք լուրջ ֆինանսական հնարավորություններ ունեն, դժվար թե ուշադրություն դարձնեն Հայաստանում պաշտոնյայի աշխատավարձի փոքր լինելուն: