ԵՐԵՎԱՆ, 23 հուլիսի — Sputnik. Մոսկվայում արտակարգ վայրէջք է կատարել Boeing-737 ուղևորատար ինքնաթիռն այն բանից հետո, երբ շունը դուրս է եկել ուղեբեռի բաժանմունքից։ Այս մասին նշված է «Վեստի» հեռուստաընկերության ինտերնետային էջում։
Միջադեպի մեղավորը եղել է ոչ մեծ շունը, որին լավ չեն փակել վանդակում։ Թռիչքի ժամանակ կենդանին դուրս է եկել վանդակից և փորձել է կրծել դուրս գալու ճանապարհը` պոկելով ներքին բոլորակարը։ Կենդանու գործողությունների հետևանքով բացվել են ուղեբեռային հատվածի առջևի փեղկերը։
Բարեբախտաբար, ինքնաթիռում աշխատել է ազդանշանային համակարգը, և ավտոմատ համակարգը կանգնեցրել է դռների բացվելը։ Օդանավն այդ պահին չորս հազար մետր բարձրության վրա է եղել։
Արտակարգ վայրէջքը հաջող է անցել, ոչ ոք չի տուժել։