ԵՐԵՎԱՆ, 22 հուլիսի — Sputnik. Ընդամենը երեկ մենք մեծ բացահայտում ենք արել զորամասերից մեկում։ Այս մասին այսօր Փանիկ գյուղում լրագրողներին ասաց ՀՀ պաշտպանության նախարար Դավիթ Տոնոյանը` անդրադառնալով անընդհատ վերջերս բացահայտված չարաշահումներին։
«Սննդամթերքի հետ կապված խոշոր վատնում է եղել զորամասերից մեկում, որի վերաբերյալ քրեական գործ է հարուցվել»,–տեղեկացրեց Տոնոյանը։
Նախարարի խոսքով` պաշտպանության նախարարությունը այս ուղղությամբ մեծ ջանքեր է գործադրում։ Չնայած դա միշտ էլ եղել է, բայց գերատեսչությունը հիմա էլ ավելի մեծ թափով է դա անում, քանի որ նոր իրավիճակում ենք գտնվում, և նոր կառավարությունը նոր նշաձող է սահմանել։