ԵՐԵՎԱՆ, 22 հուլիսի — Sputnik. Հայտնի բլոգեր Nas Daily-ն տեսանյութ է նկարել Հայաստանում և իր օգտատերերին պատմել University of the People առցանց համալսարանի մասին։ Նա Facebook –ում հրապարակել է տեսանյութ համալսարանի հիմնադիր Շաի Ռեշեֆի հետ։
«Մեզ համար մեծ պատիվ է ձեզ հետ հանդիպելը, շնորհակալ եմ ձեր ժպիտների և աշխատանքի համար, որը դուք անում եք տասնյակ տարիների ընթացքում։ Հուսով եմ, որ այս տեսանյութը կօգնի ձեզ։ Այցելեք նրանց կայք, եթե հետաքրքրված եք», — ասաց նա։
Բլոգերը նաև կոչ է արել իր օգտատերերին տարածել այդ տեսանյութը։
Համալսարանը հնարավորություն է տալիս բարձրագույն կրթություն ստանալ աշխարհի բոլոր երկրների ուսանողներին՝ ուշադրություն դարձնելով նրանց ֆինանսական, աշխարհագրական, սոցիալական կարգավիճակին կամ ֆիզիկական սահմանափակումներին։
2014թ.-ի փետրվարին համալսարանը հավատարմագրում է ստացել Distance Education Accrediting Commission-ից, ինչպես նաև ԱՄՆ-ում կրթության հարցերով հանձնաժողովից։
Ավելի վաղ Երևանի ամենասիրված անվաչմշկորդ Լևոն պապը իսրայելցի արաբ բլոգեր Nas Daily-ի (իսկական անունը` Նուսեյր Յասին) 1 րոպեանոց տեսահոլովակի հերոսն էր դարձել։
Բլոգերը պատմել էր նաև Հայաստանի դպրոցներում ուսուցանվող շախմատի մասին, և նրա տեսահոլովակում նկարահանվել էին ՀՀ նախագահ Արմեն Սարգսյանն ու գրոսմայստեր Լևոն Արոնյանը։
Nas Daily-ն մեկրոպեանոց տեսահոլովակ է նվիրել նաև Հայաստանի ցայտաղբյուրներին։