ԵՐԵՎԱՆ, 20 հուլիսի — Sputnik. «Թավշյա հեղափոխության» հերոս ու խորհրդանիշ դարձած Չալոն ապրելու է ՀՀ վարչապետ Նիկոլ Փինյանի առանձնատանը։ Այս մասին հայտնում է Paws Vet Clinic կլինիկան իր ֆեյսբուքյան էջում։
«Ուրախ ենք տեղեկացնել, որ 16․07․2018-ին բոլորի կողմից սիրված, աշխարհահռչակ հեղափոխական շնիկ Քայլո/Չալոն տեղափոխվեց մեր սիրելի վարչապետի առանձնատուն և այսուհետ կապրի Փաշինյանների ընտանիքում սիրված ու երջանիկ», — նշվում է կլինիկայի էջում։
Չալոն պատահաբար դարձավ թավշյա հեղափոխության խորհրդանիշը։ Նրան այժմ առավել հաճախ «Քայլո» են ասում, որովհետև նա «Իմ քայլը» շարժման կազմակերպիչների հետ անցավ գրեթե ամբողջ ճանապարհը։
«Դուխով». ինչպես ֆուտբոլային կարգախոսն ու Չալոն թավշյա հեղափոխության խորհրդանիշներ դարձան
Չալոն հասավ Երևան` գիշերները պաշտպանելով իր նոր տերերի վրանները։ Նա մասնակցեց նաև ցույցերին։ Երբ շունը վնասեց թաթը, նրա ապաքինմանը հետևում էր գրեթե ամբողջ երկիրը։ Երբ Չալոն հայտնվեց հանրահավաքի ժամանակ, նրան իսկական հերոսի պես ընդունեցին։
Ավելի վաղ Ախալքալաքի հայերը ՀՀ վարչապետ Նիկոլ Փաշինյանին անսովոր նվեր էին մատուցել` կապույտ վզակապով շուն։ Հիմա նա նույնպես վարչապետի առանձնատանն է է ապրում։