ԵՐԵՎԱՆ, 19 հուլիսի — Sputnik. Ազգային անվտանգության ծառայությունն առաջիկայում հանդես կգա ապօրինի հարստացման նոր դեպքերի բացահայտման մասին հայտարարություններով։ Այս մասին այսօր լրագրողների հետ զրույցում ասաց ՀՀ ԱԱԾ նախագահ Արթուր Վանեցյանը։
Նրա խոսքով` այս պահին ԱԱԾ քննության վարույթում նման գործերը շատ են, բայց թե ում են վերաբերում, Վանեցյանը չցանկացավ անուններ տալ։
«Կարող են և ՀՀԿ-ի շրջանակներից լինեն, կարող են նաև այլ շրջանակներից»,- ասաց նա։
Վանեցյանը վստահեցրեց` բացահայտումներն աղմկոտ են լինելու։