ԵՐԵՎԱՆ, 18 հուլիսի — Sputnik. Նարեկ Ղահրամանյանը ՀՀ վարչապետ Նիկոլ Փաշինյանի որոշմամբ նշանակվել է Հայաստանի Հանրապետության Սյունիքի մարզի Կապանի համայնքի ղեկավարի պաշտոնակատար:
Այս մասին տեղեկացնում են ՀՀ կառավարության մամուլի ծառայությունից։
««Տեղական ինքնակառավարման մասին» Հայաստանի Հանրապետության օրենքի 27-րդ հոդվածի 1-ին մասին համապատասխան`Նարեկ Ղահրամանյանին նշանակել Հայաստանի Հանրապետության Սյունիքի մարզի Կապանի համայնքի ղեկավարի պաշտոնակատար»,-ասվում է հաղորդագրությունում:
Հիշեցնենք, որ վարչապետ Նիկոլ Փաշինյանի Սյունիքի կատարած այցի ժամանակ մարզպետարանի բակում տեղի էր ունեցել հանդիպումը Կապանի բնակիչների հետ: Քաղաքացիները չէին ցանկացել լսել քաղաքապետ Աշոտ Հայրապետյանի ելույթը և սուլոցներով խանգարել էին նրան։
Ավելի ուշ Աշոտ Հայրապետյանը հրաժարականի դիմում էր ներկայացրել: