ԵՐԵՎԱՆ, 16 հուլիսի — Sputnik. Հայկական ծագում ունեցող գործարար Սերգեյ Բուդագովի առևանգման մեջ մեղադրվող չորս քաղաքացիները կալանքի տակ են առվել. հարցաքննության ընթացքում նրանք խոստովանել են, որ գործարարին առևանգել են փրկագին ստանալու նպատակով։ Այս մասին հայտնում է Ռուսաստանի քննչական կոմիտեի տարածաշրջանային Քննչական վարչությունը։
Քննչական վարչության տվյալների համաձայն` «Օռլովսկայա նիվա» ագրոհոլդինգի սեփականատիրոջը հուլիսի 10–ին զինված անձիք են առևանգել։ Անհայտ անձիք կանգնեցրել են Lexus LX 570 ավտոմոբիլը, որով Բուդագովն էր երթևեկում, նրանք մեքենա են նստել, գործարարի ու վարորդի հետ գնացել Լուժկովսկոե գերեզմանատուն։ Այնտեղ վարորդին կապել ու մեքենայում են թողել, իսկ Բուդագովին ուժով նստեցրել են իրենց մեքենան ու անհայտ ուղղությամբ տարել։ Գործարարին ազատելու համար առևանգողները 20 միլիոն ռուբլի են պահանջել։ Առևանգման փաստով քրեական գործ է հարուցվել։ Հատուկ գործողության ընթացքում հուլիսի 12–ի լույս 13–ի գիշերը ուժայիններ ազատել են Բուդագովին։
«Դատարանը բավարարեց քննչական մարմինների խնդրագիրը, ու չորս նախկինում դատված ու «Օռլովսկայա Նիվա» ագրոհոլդինգի սեփականատեր Սերգեյ Բուդագովի առևանգման մեջ կասկածվող անձնանց նկատմամբ որպես խափանման միջոց ընտրվեց կալանքը», – նշվում է հաղորդագրության մեջ։
Դատարանը այլ կասկածյալների կալանավորման մասին խնդրագիր չի ստացել, քանի որ նրանք սկսել են համագործակցել քննությունն իրականացնողների հետ։ Ընդհանուր առմամբ 7–8 մարդ են ձերբակալել։ Նրանք հիմնականում գնչուներ են, կա անչափահաս ու երկու կին։
Նշվում է, որ քննության ներկայացրած ապացույցների ճնշման տակ կասկածյալները խոստովանել են, որ խոշոր փրկագին ստանալու համար հանցագործություն են գործել։
«Օռլովսկայա նիվա» կազմակերպությունը ստեղծվել է 90–ականներին` տեղացիների նախաձեռնությամբ։ Ագրոհոլդինգի կայքում նշվում է, որ դրա կազմում են գտնվում 1,2 հազար գլուխ կթու կով, մի քանի ֆաբրիկա, յուղի գործարան ու հացի կոմբինատ։ Ձեռնարկություններում մոտ 3 հազար մարդ է աշխատում։
«Օռլովսկիե նովոստի» առցանց–պարբերականի տվյալներով` նախկին մարզպետ Վադիմ Պոտոմսկիի օրոք Բուդագովը մի քանի քրեական գործերում է հիշատակվել, նա հայտնել էր, որ իշխանությունները փորձում են լքել իր ձեռնարկությունը ու ընկերությունը վերագրանցել է Տուլայի մարզում։ Երբ մարզպետ նշանակվեց Անդրեյ Կլիչկովը, գործարարը սկսեց ընկերությունը նորի Օռլովի մարզում գրանցելու գործընթացը։