ԵՐԵՎԱՆ, 16 հուլիսի — Sputnik. Ինդոնեզիայի Սորոնգ գյուղում կոկորդիլոսների սպանդ են իրականացրել այն բանից հետո, երբ կոկորդիլոսներից մեկը կերել է տեղի բնակիչներից մեկին։ Միջադեպի մասին հայտնել է Jakarta Post-ը։
Հոշոտված տղամարդու թաղումից հետո տեղի բնակիչները գնացել են կոկորդիլոսների ֆերմա և մորթել կենդանիներին: Կոկորդիլոսների ֆերման պատկանել է տեղացի գործարարներից մեկին։
Կատաղած սորոնգցիները 292 կոկորդիլոս են մորթել։
Կենդանիների պաշտպանները դատապարտել են նրանց արարքը` նշելով, որ կոկորդիլոսները նույնպես աստծու ստեղծած արարածներ են, որոնց պետք է պաշտպանել։