ԵՐԵՎԱՆ, 16 հուլիսի — Sputnik. Կոտայքի մարզի Գեղաշեն գյուղում ճակատ ճակատի բախվել են Nissan-ն ու ГАЗ 3110-ը։ Այս մասին հայտնում է shamshyan.com-ը։ Դեպքը տեղի է ունեցել այսօր՝ հուլիսի 16-ին, ժամը 11։30-ի սահմանում Աբովյան-Գեղաշեն ավտոճանապարհի՝ Գեղաշեն գյուղի սկզբնամասում։
Վթարից հետո 4 հոգու տեղափոխել են Աբովյանի բժշկական կենտրոն։ Նրանցից 2-ը երեխաներ են։ Ավելի ուշ տուժածներից մեկին տեղափոխել են Երևանի «Սուրբ Գրիգոր Լուսավորիչ» բուժկենտրոն։
Ոստիկանությունը պարզում է վարորդների, վիրավորների ինքնությունը։
Ըստ նախնական տեղեկությունների՝ վթարի մեղավորը եղել է Nissan-ի վարորդը։ Նա մեծ արագությամբ ոլորապտույտ հատվածում հավանաբար չի կարողացել կառավարել ավտոմեքենան և բախվել է հանդիպակաց գոտիով ընթացող ГАЗ 3110-ին։