ԵՐԵՎԱՆ, 16 հուլիսի — Sputnik. Այսօր Նյու-Յորք մեկնած ՀՀ ԱԳՆ Զոհրաբ Մնացականյանը կհանդիպի ՄԱԿ-ի գլխավոր քարտուղար Անտոնիո Գուտերեշին։ Այս մասին այսօր լրագրողներին ասաց Արտաքին գործերի նախարարության մամուլի խոսնակ Տիգրան Բալայանը։
Հայաստանի պատվիրակությունը Նյու-Յորք է մեկնել ՀՀ առաջին փոխվարչապետ Արարատ Միրզոյանի գլխավորությամբ:
«Պատվիրակության կազմում է նաև ՀՀ արտաքին գործերի նախարար Զոհրաբ Մնացականյանը։ Վաղը ներկայացվելու է Հայաստանի կամավոր ազգային զեկույցը»,- ասաց Բալայանը:
Ըստ Տիգրան Բալայանի՝ ՀՀ արտգործնախարարը ներկայացնելու է կայուն զարգացման նպատակների ուղղությամբ Հայաստանի կողմից ձեռնարկված քայլերը և Հայաստանի փորձը։